طال غيابك

موضوع: طال غيابك الإثنين أغسطس 31, 2009 3:10 pm

طال غيابك
طال غيابك عني والطير
في المغيب غرد وداع
لما تبعدي مني انتي
ببقي عايش في ضياع
ببقي محتاج ليك وصابر
ببقي راجيكي ومثابر
ببقي محتاجك في قربي
ببقي غايب وببقي حاضر
اصلي سرتة علية دربك
وما بقيت للدنيا فاكر
كنتة لامس لي اناملك
وكنتة برضو بحب اغامر
ولما جات الفكرة انو
ابوسها ايدك وابقي شاكر
خفتة اشرب من غديرهن
وابقي كل ما تغيب اساهر
***
لما ترحلي مني انتي
بترحل البهجة وتباعد
لما اسرح في عيونك
ماني خجلان او بعاند
بس بكون سارح مؤدب
وبي حياء انا ليك بشاهد

فيك لطافة وفيكي رقة
وفيكي اخلاق مافي زيها
دي اللطافة باسمك انتي
والحلاوة عليك وصية
ما براك خلقوها ليك
انتي بس في الدنيا ديا
ولسة في اصراري عاوز
ابوسها ايدك واغني فيها
شان اقول للدنيا كلها
دي الحبيبة ..ديك هيا
وربي جايبك لي وحاتك
مخلصة شان تبقي ليا
انتي عارفة انو ريدك
كان علي اجمل هدية
قلبي حافضو لاني راجيك
بخواطر كاتمة في
بس طلب واحد بقولو
ارجو انو يكون وصية
ارعي حبك وحبي ليك
شان كل يوم يكبر شوية
الخرطوم2004

موضوع: رد: طال غيابك السبت سبتمبر 05, 2009 4:19 pm

اقتباس :: طال غيابك عني والطير
في المغيب غرد وداع
لما تبعدي مني انتي
ببقي عايش في ضياع
ببقي محتاج ليك وصابر
ببقي راجيكي ومثابر
ببقي محتاجك في قربي

الله عليك أخي السنوسي

أبدعت وتألقت

دمت بحفظ الرحمن

موضوع: رد: طال غيابك الأحد سبتمبر 06, 2009 3:38 am

اخي الراقي
وشاعرنا المتآلق دوما
سطرت وأبدعت,,,,,ومن ثم نفسي سحرت
نسيج حروفك أمامي,,,,ولسان نفسي يتمتم بها

وكاني اتغني بها لنفسي
دمت اخي الراقي خير مبدع
أستمر

انتظركم دوما
اختكم

الاستاذ الاسمر
جميل وجزيل الشكر علي الكمات الرائعات
واري انني لست سوي قطرة بجانبك بحركم
الشاسع ..
خالص مودتي ودمتم بحفظ الرحمن

المرهفة فوز
سلمتي اختي علي كلماتك التي تفوح عطرا
والتي دائما ما تدفعني وترفعني .. لكن مني خالص الشكر والود والعرفان
ودمتي جميلة كما انت ...