مابين عيونك والمطر

ما بين عيونك والمطر

مابين عيونك والمطر
زرات تراب اتفتفتن
سالت دموع عينيك مطر
سقت الورود واتكاثرن
حَمَلن دموعك وما براك
زيك كتار عايشين هلاك
ماكلين حجر
مطرهم دموع .. وتسيل دموم
من ضحكتم .. وفوق كل دا
مستمتعين ..
جاريين بدون اي اتجاه ..
واقفين علي الهواء والشتات
نايمين في شوك .. حاضننو نار
لابسين جمر .. زارعين تراب
حاصدين روث ..
مستمتعين ...
كل همهم .. مايكون في هم
بتجارو من دون اي سبب
بيكافحو والراجينو خير ...
خير من ورق .. سيل من تراب
نار من بحر .. ظل من شمس
حب من عدم .. شوق من فحم
دُر من رماد ..
ومستمتعين ...
بيهاتو بي وجع الفرح ..
بيتفارحو وجواهم زعل ..
زعلهم مفاتيحو الطيور ..
طيرهم بغرد وما برك
لو ركة حيموت في الغمام
والغيمة ضلها للارض
والارض ضاقت بالبحور
والبحر بيهاتي ويقول
وقول البحر عاشقا الصخور
وعشق الصخور للمفتري
والمفتري عايش دهور ..
وفوق كل دا مستمتعين ..
بي انو انوهم فوق تحت
تحت الارض مدسيين
بضارو بي قش الخريف
عايشين علي ريحة الدُعاش
لمن نتقط دم وخوف ..
بيدقو نقارة حزن ..
وبيرقصو مستمتعين ..
ولو الشمس اتبرجت بينادو
لي سحب القصاص
شان يشتكو ..
بس ديمة دافعين التمن ..
مستمتعين ..
ولو تاني نارهم ولعت ..
بيطفوها ... بدموع عيونهم والمطر
ولو ولعت ..
بيتحرقو جواه بي فرح
ومستمتين ..
وبقولو ليك .. بي اعلي صوت
مابين عيونك والمطر
زرات تراب اتفتفتن ..

السنوسي
5مايو 2009

كلمات يفوح منها عطر الابداع أخي الكريم

راقني جدا ما قرأت هنا بين أحضان الألق

دمت بحفظ الرحمن أخي

درر كما اللؤلؤ
واحرف كلها جوهر
نثر رائع
ومعاني راقيه
تحياتي

كل الشكر لك اخي الاسمر ولك
فوز علي ذلكم المرور العذب ..
دمت كما اتمني ...

مودتي

مدفونين تحت التراب
ومزروعين متل النخل
واقفين بوجه الهوا والشمس
وعشان كدا
صامدين
صابرين دهر
ومآكلين حجر
وعشان كدا
عايشين

شكرا لك أخي على هذا النص

الذي يشرق من رحم المعاناة

أحمد

جزيل الشكر اخي احمد علي مرورك العذب
خالص الود والتحايا

» انا والمطر