أحمد موسى
الجنس : 
عدد الرسائل : 59
العمر : 65
نقاط : 106
تاريخ التسجيل : 03/06/2011
 |  موضوع: حديث الإعتذار الثلاثاء يونيو 07, 2011 4:55 pm | |
| حديث الإعتذار
بلاش نهَلفَط فى الكلام
ونسوق عوام زى النعام
بلاش ذكائنا يكون رهان
لفلول نظام
بتقول حديث الإعتذار
(أسف ياريس) قبل كان
واليوم رئيس ناوى اعتذار!!
ياميت حرام !!
وإيه يفيد الإعتذار ؟
ومكانش ليه أيام زمان
تلاتين سنه لبلدنا خان
تلاتين سنه لولادنا هان
والآن بينوى الإعتذار !
فرعون زمان خسر الرهان
تاب بعد ما فات الأوان
ياصاحبنا فات وقت الهزار
وحان أوان الإعتبار
لا ندم يفيد ولاقول : حرام
عن إيه ياظالم إعتذار ؟
عن ذل شعب ونَهب مال ؟!
عن قتل أُمّه سنين طوال ؟!
عن ألف مقتول فى الميدان ؟!
عن حلم راح عن حظ مال ؟!
عن مكر سوزى وزور جمال ؟!
عن ألف (عن ) وألف (كان)؟!
دلوقت سهل الإعتذار ؟!
أما انت حَقَّه زعيم جبان !!
بالأمس كنت سَبَع رجال !!
الكبر فين والصولجان؟!
والعند فين ياسيد الرجال ؟!
هاتقولى إيه فى الإعتذار؟!
هاتقولى كنت عميل جبان ؟
ورئيس عصابه انا والمدام ؟
هاتدين علاء وتدين جمال ؟
هاتقول سفكنا دماء شباب ؟
هاتقول نهبنا خير البلاد ؟
هاتقول أنا رأس الفساد ؟
هاتقول أنا استاهل عقاب ؟
طبعا هاتهرب م الجواب !
أنا هاقولك ع الجواب
هاتقول نظام خدعك وخان
هاتقول حبيب قتل الولاد
هاتقول جرانه وعز عاب
هاتقول برىء ومش مدان
هاتقولى ضربة طيران !
إن كان غَلط يكفى اعتذار
وادفع فلوس أنا والمدام
وسيبونى أهرب م العقاب
يا صاحبنا فات وقت العتاب
ووقتنا وقت الحساب
لو كنا نقبل إعتذار
يبقى حبيب مالهوش عقاب !
ونظيف وعز غلط وتاب !
والعفو عام ونقول سماح!
وفلوس سوزان غلطة حساب !
وشهيد شبابنا كلب راح !
ننسى العذاب ننسى الجراح !
ونخون إله ونخون كتاب !
أه يا زعيم (صابغ) وعاب
أحمد موسى
ملحوظة : إستبدلت كلمة ( شايب ) بكلمة ( صابغ ) لمطابقتها للواقع وذلك فى ختام القصيده | |
|
hoda ashor
الجنس : 
عدد الرسائل : 14
العمر : 64
نقاط : 14
تاريخ التسجيل : 08/06/2011
| | موضوع: رد: حديث الإعتذار الأربعاء يونيو 08, 2011 12:34 pm | |
| سلمت اناملك أ أحمد موسي ازاى ننسي العذاب ---ننسي الجراح | |
|
ريم البوادي
الجنس :
عدد الرسائل : 1118
العمر : 51
نقاط : 1544
تاريخ التسجيل : 11/04/2009
| | موضوع: رد: حديث الإعتذار الأربعاء يونيو 08, 2011 3:24 pm | |
| سلمت لنا استاذ احمد موسى
وسلم قلمك المبدع | |
|
أحمد موسى
الجنس :
عدد الرسائل : 59
العمر : 65
نقاط : 106
تاريخ التسجيل : 03/06/2011
| | موضوع: رد: حديث الإعتذار الخميس يونيو 09, 2011 1:11 am | |
| - hoda ashor كتب:
- سلمت اناملك أ أحمد موسي ازاى ننسي العذاب ---ننسي الجراح
أشكر تعليقك الطيب [justify] | |
|
أحمد موسى
الجنس :
عدد الرسائل : 59
العمر : 65
نقاط : 106
تاريخ التسجيل : 03/06/2011
| | موضوع: رد: حديث الإعتذار الخميس يونيو 09, 2011 1:14 am | |
| - ريم البوادي كتب:
- سلمت لنا استاذ احمد موسى
وسلم قلمك المبدع [b][justify]كل شكرى وتقديرى أ ريم | |
|
الرئيسية 
أحدث الصور 
التسجيل 
دخول 
