ست النسا
يا حبيبتى يا ست النسا
ينبوع حنان .. شلال وفا
والقلب عِشقِك واكتفا
من حضن قلبك إرتويت
و للعيون ياما اشتكيت
يا حبيبتى دانتى ليَّه.. بيت
إنتى السكن وانتى الأمان
عايش لأجلك من زمان
رعيت لحبى سنين طوال
من يوم ما شوفتك والتقيت
وازاى تقولى ف يوم .. نسيت !!
فاكر كلامنا والسكات
عايش حبيبتى الذكريات
فاكر سنين .. فاكر ساعات
أيام ما كنت اسهر مانام
أحلم وارتب فى الكلام
مستنى موعد للغرام
يجمعنى مع ست البنات
فاكره ..
فاكره يا روحى لمَّا يوم
إنتى وانا بوحنا بشجون
وعيونا نطقت بالغرام
أنا كنت خايف م الكلام
خايف يكون عشقك خيال
خبيت عليكى شهور طوال
وجمعنى بيكى ف يوم زمان
ماشيين ندوَّر ع الكلام
وفتحت منديل الغرام
وكتبتلك .. بحروف وصوت
"عاشق أنا وبحب موت"
ومن عنيكى قوام جريت
من بعدها سكت الكلام
وسمعت دقات القلوب
ومسكتى إيدى بدون سؤال
وهمستى ليَّه بصوت ودود
إكتبها تانى .. عيد وزيد
رديت : زعلتى م الكلام ؟
قلتى : بحبك من زمان !!
حسيت دفا حسيت حنان
حسيته يوم ميلاد جديد
حسيته عيد
من يومها لعهودى رعيت
إزاى تقولى يوم .. نسيت !!؟
[b][justify]
الرئيسية 
أحدث الصور 
التسجيل 
دخول 
الإثنين فبراير 12, 2024 10:34 am من طرف 
